DALIILADA LOO CUSKADO JOOJINTA JUMCADA IYO JAMAACADA HADDII DHIB AMA CUDUR YIMAADO.

Diinta islaamku waa diin fudud oo mar kasta ka shaqaysa danaha insaanka kuna dhisan fududeyn iyo sahlidda umuuraha iyo qiimeynta xaaladaha.

Ilaahay wuxuu yiri:-

“وَمَا جَعَلَ عَلَيْكُمْ فِي الدِّينِ مِنْ حَرَجٍ ۚ
“Ilaahay diinta dhib idinkagama dhigin”.

“يُرِيدُ اللَّهُ بِكُمُ الْيُسْرَ وَلَا يُرِيدُ بِكُمُ الْعُسْرَ”
“Ilaahay wuxuu idinla doonayaa fudeyd ee idinla dooni maayo culeys”.

“يُرِيدُ اللَّهُ أَن يُخَفِّفَ عَنكُمْ ۚ وَخُلِقَ الْإِنسَانُ ضَعِيفًا (28)”
“Ilaahay wuxuu doonayaa in uu wax idinka khafiifiyo waayo insaanka waxaa lagu abuuray daciifnimo.

( طه ( 1 ) مَا أَنزَلْنَا عَلَيْكَ الْقُرْآنَ لِتَشْقَىٰ (2).
“Quraanka kuuguma aanan soo dajinin inaad ku dhibaatooto”.

Islaamku wuxuu ku dhisan yahay masaalixda dadka iyo badbaadinta Naftooda iyo Maalkooda,sidaa darteed haddii ay timaaddo dhibaato wax u dhimaysa nafta basharka taa ayaa la hormarinayaa wax ka qabashadeeda.

Ilaahay wuxuu yiri:-
“وَلَا تُلْقُوا بِأَيْدِيكُمْ إِلَى التَّهْلُكَةِ ۛ”
“Naftiina ha ku ridina halaag iyo tahluko”.
“وَلَا تَقْتُلُوا أَنفُسَكُمْ ۚ إِنَّ اللَّهَ كَانَ بِكُمْ رَحِيمًا (29)”
“Naftiina ha laynina Ilaahay waa mid idiin naxariisanaya eh”.

Eebe wuxuu kaloo yiri:-

“يَا أَيُّهَا الَّذِينَ آمَنُوا خُذُوا حِذْرَكُمْ ..”
“Kuwa iimaanka laga helayoow taxadarkiina iyo dadaalkiina qaata”.

Rasuulka scw iyo saxaabadiisa waxay ahaayeen dad ka tarjuma oo uu saani u dhacay maqsadka Eebe ee ah fududeynta diinta iyo inay diinta mar kasta u adeegsadaan masaalixda basharka xitaa haddii ay taasi keenayso in looga tago jamac ku tukashada Salaadaha faralka ah.
Waxay ahaayeen kuwo Roob iyo qabow dartii u joojiya in la oogo Salaadaha Jumcada iyo jamaacada sida ku cad nusuus faro badan.

Axaadiis ku sugan kutubta Bukhaari iyo Muslim ayaa waxay oranayaan sidatan:-

وروى البخاري (666)، ومسلم (697) عَنْ نَافِع، قَالَ: “أَذَّنَ ابْنُ عُمَرَ فِي لَيْلَةٍ بَارِدَةٍ بِضَجْنَانَ، ثُمَّ قَالَ: صَلُّوا فِي رِحَالِكُمْ، فَأَخْبَرَنَا أَنَّ رَسُولَ اللَّهِ صَلَّى اللهُ عَلَيْهِ وَسَلَّمَ كَانَ يَأْمُرُ مُؤَذِّنًا يُؤَذِّنُ، ثُمَّ يَقُولُ عَلَى إِثْرِهِ: “أَلاَ صَلُّوا فِي الرِّحَالِ” فِي اللَّيْلَةِ البَارِدَةِ، أَوِ المَطِيرَةِ”.
“Naafic wuxuu yiri Ibnu Cumar ayaa Adimay Habeen qabow badanu jiray,ka dibna wuxuu yiri:- ku tukada guryahiina,ka dibna wuxuu noo sheegay in uu Rasuulka scw ahaa mid amra mu’adinka inuu yiraahdo dadow guryihiina ku tukada habeenada uu Qabowga iyo Roobku jiro”.

وروى البخاري (668)، ومسلم (699) واللفظ له، عَنْ عَبْدِ اللَّهِ بْنِ الحَارِثِ، عَنْ عَبْدِ اللهِ بْنِ عَبَّاسٍ، أَنَّهُ قَالَ لِمُؤَذِّنِهِ فِي يَوْمٍ مَطِيرٍ: “إِذَا قُلْتَ: أَشْهَدُ أَنْ لَا إِلَهَ إِلَّا اللهُ ، أَشْهَدُ أَنَّ مُحَمَّدًا رَسُولُ اللهِ، فَلَا تَقُلْ: حَيَّ عَلَى الصَّلَاةِ، قُلْ: صَلُّوا فِي بُيُوتِكُمْ”، قَالَ: فَكَأَنَّ النَّاسَ اسْتَنْكَرُوا ذَاكَ، فَقَالَ: “أَتَعْجَبُونَ مِنْ ذَا؟!، قَدْ فَعَلَ ذَا مَنْ هُوَ خَيْرٌ مِنِّي، إِنَّ الْجُمُعَةَ عَزْمَةٌ، وَإِنِّي كَرِهْتُ أَنْ أُحْرِجَكُمْ، فَتَمْشُوا فِي الطِّينِ وَالدَّحْضِ”.
“Cabdullaahi ibnu Xaaris wuxuu Cabdullaahi binu Cabaas ka wariyay in uu maalin jimco ah oo uu Roob da’ayay mu’adinkii masjidkiisa ku yiri,kolka aad shahaadateynka aadaanka ku jiro ka faaruqdo ha ku oran dadka salaadda u kaalaya ee ku dheh guryihiina ku dukada,dadkii ayaa arintaa qariibsaday,kolkaasuu ku yiri oo miyaad arintaa la yaaban tihiin,waxaa sameeyay mid aniga iga khayr badan oo Nabigii ah scw ,Jumcada waa waajib laakiin waxaan nacay inaan guryihiina idinka soo saaro oo aad ku soo socotaan dhiiri iyo simbiriiraxasho”.

Ugu dambeyntii walaal sida aan u jeedno haddii Rasuulkii umadda SCW iyo saxaabadiisu RC ay ahaayeen kuwo dhibaatooyin fudud sida Roob iyo Qabow iwm umadda oga tura oo ku joojiya Jumcada iyo Jamaacaadka,sidee baysan suura gal u noqon karin in Umadda islaamka ah looga turo Cudur saf mareen ah oo sahal loo kala qaadi karo oo muddo kooban ku laynaya khalqi aad u tiro badan,in laga joojiyo Jumcada iyo jamaaco ku tukashada salaadaha.

Related posts

Leave a Comment